Sunday, March 4, 2012

Megapixel 41ක කැමරාවක් සහිත Smartphone එකක් හඳුන්වාදෙයි

Sunday, March 04, 2012  VITSKV  3 comments


ලෝකයේ ස්මාර්ට් ෆෝන් නිෂ්පාදනයෙන් තුන්වන ස්ථානයේ පසුවන Nokia සමාගම තම සමාගම විසින් නොබෝදිනකින්ම වෙළඳපලට ඉදිරිපත්කිරීමට බලාපොරොත්තුවන නවතම ස්මාර්ට්ෆෝනයක් ප්‍රකාශයට පත්කරයි. Nokia 808 PureView නමින් දැනට හැඳින්වෙන මෙම Smartphone එකෙහි සුවිශේෂි ගුණාංග අතුරින් ප්‍රමුඛ ස්ථානයේ පසුවන්නේ එහි ඩිජිටල් කැමරාවයි. කැමරාවෙහි විශේෂ ගුණාංග 3ක් මේවනවිට ප්‍රකාශයට පත්ව තිබෙනවා. එනම්:


  • මෙගාපික්සල් 41ක ධාරිතාවකින්යුත් සෙන්සර්
  • Carl Zeiss ප්‍රකාශ තාක්‍ෂණය
  • නවතම  Pixel Oversampling තාක්‍ෂණයක්


Nokia 808 PureView ඇසුරින් ලබාගන්නා ඡායාරූපයන්හි ඇති සුවිශේෂී සත්‍යාසන්නභාවය පිටුපස ඇත්තේ 41MP සංවේදක අභිබවා එහි භාවිතවන නවතම Oversampling තාක්‍ෂණයයි. මෙම තාක්‍ෂණය අනුව කුමන මෙගාපික්සල් පරාසයක ඡායාරූපයක් වුවද සත්‍යාසන්නතාවයෙන් ඉතා ඉහළ මට්ටමක පවත්වාගතහැකි බව Nokia සමාගම ප්‍රකාශයටපත් කරනවා.

ස්මාර්ට්ෆෝනයේ අනෙක් ගතිගුණ ලෙස

  • අඟල් 4ක දෘශ්‍ය තිරය
  • Full HD 1080p වීඩියෝ තාක්ෂණයට සහායදැක්වීමේ හැකියාව
  • ඩොල්බි හෙඩ්ෆෝන් තාක්‍ෂණය
  • 1.3Ghz ප්‍රොසෙසරය
  • 512MB RAM මතකය
  • 16 GB built-in ස්ථාවර මතකය
  • මතක ප්‍රමාණය වැඩිකිරීම සඳහා microSD කාඩ් සඳහා අනුකූලතාව


දැක්විය හැකි අතර උපාංගය Symbian Belle මෙහෙයුම් පද්ධතිය පාදකකරගනිමින් ක්‍රියාත්මකවේ.

Nokia 808 PureView, 2012 වසරේ දෙවන කාර්තුව තුළ දී නිකුත්වනු ඇතැයි විශ්වාස කරන අතර යුරෝ 450ක මිලකට යුරෝපාකරයට මුලින්ම හඳුන්වාදීමට Nokia සමාගම බලාපොරොත්තු වන බව දැනගන්නට ඇත.


Pixel OverSampling ගැන කෙටි හැඳින්වීමක්
ඩිජිටල් පින්තූර නිරූපණය වන්නේ කුඩා කොටු ලෙස නිරූපණයවන පික්සල් වලින් බව අපි කවුරුත් දන්නවා. ඒ නිසා ඇත්තෙන්ම පින්තූරයක් කියන්නෙ පික්සල් සමූහයක්. පික්සලයකට තිබිය හැක්කේ එක් වර්ණයක් පමණයි. එක ලඟ ඇති පික්සල් දෙකක් ගැන සිතන්න.. මේ පික්සල් දෙකේ ඇත්තේ එකිනෙකට වෙනස් වර්ණ දෙකක් නම් ඒවා අතර තියුණු මායිමක් ලෙස පෙනෙනවා. මේ තත්වය Aliasing කියා හැඳින්වෙනවා.

නමුත් සැබෑ ලෝකයේ මෙවැනි තත්වයක් නෑ. ඒ නිසා සැබෑ ලෝකයේ යමක් ඩිජිටල් පින්තූරයක් ලෙස ගතතොත් කොහොමත් සත්‍ය තත්වය නිරූපණය වෙන්නේ නැහැ. ඉතින් මේ තත්වය හැකිතාක් දුරට වසන් කර වඩාත් සත්‍යාසන්න තත්වයකින් පින්තූර ඉදිරිපත් කරන්නයි Pixel Oversampling භාවිතාවන්නේ. මෙහිදී වන්නේ යම්කිසි ක්‍රමවේදයක් භාවිතා කර පික්සල් අතර මායිම් බොඳකිරීම වැනි දෙයක්. ඒකට කියන්නේ Anti-Aliasing කියලයි.

උදාහරණයක් ලෙස පහත පින්තූර පෙළ බලන්න.

වළාකුළු: , ,

3 comments:

oke niyama mega pixel gana 12i.

ඔබ බොහෝදුරට නිවැරදියි. මේ කැමරාවෙ සෙන්සර් ග්‍රිඩ් එකේ මුලු pixel ප්‍රමාණය මිලියන 41කටත් වැඩිවුවත්. ප්‍රායෝගිකව 4:3 අනුපාතය පවත්වාගනිමින් සාමාන්‍ය පින්තූරයක් සඳහා යොදාගත හැකි උපරිම megapixel ගණන 38කට ආසන්නයි. පින්තූරය widescreen නම් (අනුපාතය=16:9) megapixel 34ක් පමණයි උපරිම වශයෙන් පාවිච්චි කරන්ඩ පුලුවන්. [හේතුව: දිගxපළල අනුපාතය පවත්වාගතයුතු නිසා]. හරි, ඒත් තාම මෙගාපික්සල් 30ක් වත් තියනවනෙ.. ඔන්න ඔය වෙලාවෙ තමා Nokia එකන් සුපිරි පින්තූර quality සඳහා යොදාගත් අලුත්ම oversampling තාක්‍ෂණය වැදගත් වෙන්නෙ. මේ තාක්‍ෂණයේ ලක‍්ෂණයක් තමයි සෙන්සරයෙන් capture කරගත් පික්සල් 7ක් භාවිතයෙන් එක් පික්සලයක් නිරූපණය කිරීම. ඇත්ත. පින්තූරෙ දිහා බැලුවම මෙගාපික්සල් (35 / 7) = 5ක් විතරයි පේන්නෙ. නමුත් ඒ එක් පික්සලයක් ඇතුලෙ පික්සල් 7ක් නිසා පින්තූරෙ වඩාත් ස්වභාවිකයි. මේ පින්තූරෙ zoom කරාම තමයි ඒ හැකිලිලා තියෙන පික්සල් දිගහැරෙන්නෙ. ඒනිසා මුලු පින්තූරෙම ගත්තහම megapixel තිස්ගාණක්ම තමා..

Comment එකක් දාන්න